Prentsa

Aretoa

Ez baduzu behar duzun informazioa aurkitzen, komunikazio sailarekin kontaktuan jar zaitezke: 94 453 59 99 | comunicacion@lantegibatuak.eus
Jun 28

Lantegi Batuakek aitortza bikoitza jaso du maskarak bildu eta birziklatzeko proiektuarengatik

Lantegi Batuakek bi aitorpen jaso ditu erabilera industrialeko olioa sortu ahal izateko erabili eta botatzekoak diren maskarak berreskuratzeko proiektua dela eta.

Alde batetik, erakundeak Esker ON saria jaso du bigarren urtez jarraian. Aitorpen horrek Bizkaiko enpresen konpromiso soziala nabarmentzen eta bistaratzen du eta Bizkaia Enpresa 2022 topaketaren baitan egin da ekitaldia.

Bestalde, Bilbao Bizkaia Ur Partzuergoak Lantegi Batuaki aitorpena egin dio Lurra Bizkaia Sarien lehen edizioan, Bihotzez kategorian, “ingurumenerako eta jasangarritasunerako onuragarriak diren ekimen sozialei emandako sariarekin”.

Saritutako proiektua ekonomia zirkularraren arloan sartuta dago eta osasuna, ingurumena eta konpromiso soziala (desgaitasuna duten pertsonentzat lan-aukerak sortzea) bateratzen ditu, eta Osakidetzaren Ezkerraldea-Enkarterri-Gurutzeta OSIarekin elkarlanean sortu zen. Proiektuak behin erabiltzeko maskarak jasotzeko sistema logikoa sortu du, ospitaleetan, osasun-zentroetan eta beste erakunde publiko eta pribatu batzuetan jarritako edukiontzien bidez.

Edukiontzietan bildutako maskarak pirolisiaren bitartez erretzeko baimena duen fabrika bateko instalazioetan tratatzen dira, eta tenperatura altuen ondorioz, plastikoa desegin eta industrian erabiltzeko olioa lortzen da. Maskarak bildu eta ekoizpen-katean berriro sartzeko sarea egongo ez balitz, maskarak zabortegira joango lirateke eta CO2 eta berotegi-efektuko gasak sortuko lituzkete.

Proiektuaren lehenengo 10 hilabeteetan Lantegi Batuakek 4.190 kg maskara bildu ditu dagoeneko edukiontzietatik, hau da, 1,5 milioi maskara inguru. Tratatzen den maskara kilo bakoitzeko industrian erabiltzeko litro bat olioa lortzen da.

Sareari atxikitako zentroak:

Ezkerraldea-Enkarterri OSIko osasun-zentroak (Gallarta, Muskiz, Las Carreras, Ortuella, Balmaseda, Karrantza, Sodupe, Gueñes, Zalla, Castaños, Buenavista, Mamariga)

Gurutzetako Unibertsitate Ospitalea

Zamudioko Ospitalea

Urdulizko Ospitalea

Zaldibarreko Ospitalea

San Eloy Ospitalea

Osalan

BioCruces

Zallako Udala

Arania Taldea

Vaillant Taldea

BBK Kuna

Bilbao Bizkaia Ur Partzuergoa

Agintzari

IMQ

Eusko Jaurlaritza

Igurko

Bizkaiko elkargoa

CMA

Eusko Jaurlaritzako Ekonomiaren Garapen, Iraunkortasun eta Ingurumen Sailak kofinantzatutako jarduera, ingurumena babesteko inbertsioak egiteko enpresei dirulaguntzak emateko programaren esparruan.

Lantegi Batuak irabazi asmorik gabeko elkarte pribatua da eta desgaitasuna duten pertsonentzako lan-aukerak sortzea du xede, Gorabidek sustatuta (adimen desgaitasuna duten pertsonen aldeko Bizkaiko elkartea). Erakundeak 20 zentro eta zerbitzuen sare zabal ditu Bizkaian. 3.100 pertsonak jarduten dute horietan eta 2.500 baino gehiagok adimen desgaitasuna dute. Lantegi Batuakek 220,5 milioi euroko Txertatutako Balio Soziala sortu zuen iaz.

Lantegi Batuakek outsourcing industrial eta facility services zerbitzuak eskaintzen dizkie 1.000 bezero baino gehiagori eta bere kudeaketaren oinarria pertsonak, jasangarritasuna, berrikuntza, ekintzailetza eta bikaintasunaren bilaketa dira, bai bezeroei eskaintzen dien zerbitzuetan, bai pertsonei laguntzeko zerbitzuetan. Hainbat ziurtagiri ditu, besteak beste, Kudeaketaren Bikaintasunerako Urrezko A, ISO 9001 (kalitatea), UNE 19601 (zigor compliancea), IATF 16949 (automobilgintza), ISO 45001 (segurtasuna eta laneko osasuna), ISO 14001 (ingurumen-zerbitzuak) eta Aukera Berdintasuna (Emakunde).

Pribatutasun politika Cookien politika